Almenningsamgöngur slæmar hér á landi

Hér er gjörónýtt stætókerfi, engir sporvagnar, engar lestarsamgöngur. Ef við ætlum að taka fram reiðhjólið þá hjólum við í öfuga átt undan vindi þs. ef við náum upp brekkurnar. Hvernig förum við að án bílsins í borg eins og Reykjavík? Mig dauðlangar að leggja bílnum ..en strætó er ekki farinn að ganga á morgnanna þegar ég mæti í vinnu klukkan 06:00.

Ég á það reyndar til að hjóla í vinnuna á sumrin en það er illmögulegt ef ekki ómögulegt á veturna. Eigum barn sem er á leikskóla, ekki séns að ná í vinnuna á réttum tíma ef farið er með strætó þar sem leikskólinn opnar hálftíma fyrr og við búum langt frá vinnustöðunum.

 

Bensín dýrara í Evrópu

Myndarlegasta kvikindi

barnsfaðir hennar Halle Berry.  32 ára gamall, tæp tíu ár á milli þeirra skötuhjúa.  Barnið er eflaust gullfallegt eins og öll ungabörn eru reyndar.  

Halle Berry eignast stúlku

Göngutúr á Úlfarsfelli og nýfæddur Davíðssonur

Fór á Úlfasfellið með hundinn (og kallinn) í gær.  Já mér tókst að fá karlinn með , hann stakk reyndar sjálfur upp á göngutúr og ég valdi gönguleiðina (hehehe) .  Það var yndislegt veður , sól, svolítið frost og algjör stilla. 

 

 

 

 

 

 

 

 

 

 

 

 

 

 

Davíð bróðir minn og Tinna kærastan hans voru  að eignast sitt fyrsta barn saman sl. föstudag og kíktum við svo í heimsókn til þeirra.  Davíðsson er yndislegur, læt ég myndirnar tala sínu máli. 

 

 

 

 

 

 

 

 

 

 

Já það var sko gaman..

Ótrúlega sterkir tónleikar. Ég hef sjaldan skemmt mér svona vel á tónleikum.Líkja má stemningunni við gott kvöld á þjóðhátíð í Eyjum. Allir sungu með, allir glaðir og hamingjusamir.

Fólk var svolítið að fá sér í tánna en það var bara allt í lagi, allt fór friðsamlega fram enda allir vinir þetta kvöld.Ókunnugir föðmuðust og hylltu Sálina sem var ótrúlega sterk.

Ætli meðalaldurinn hafi ekki verið um 40 -  45..ótrúlega gaman að sjá hvað mikill meirihluti var  í "eldri" kantinum, þó slæddust inn á milli yngri andlit enda eru aðdáendur Sálarinnar breiður aldurshópur.

Ekkert hlé var á tónleikunum en engin þreytumerki voru að sjá á Sálarmönnum. Svitinn lak í stríðum straumum niður andlit Stebba og Gumma gítarleikara enda hömuðust þeir á sviðinu allan tímann.

Gospelkór Reykjavíkur söng með þeim í nokkrum lögum og var það frábært.Einnig komu nokkrir meðlimir sinfóníuhljómsveitarinnar og spiluðu með í eitthverjum lögum - snilld. (Stebbi sagði að þeir hefðu ekki haft efni á allri hljómsveitinni) Æðislegir tónleikar, rífandi stemning - Sálin er draumurinn!!

 

Mikil stemmning á afmælistónleikum Sálarinnar

Tröppuhlaup upp 15. hæðir og Esjuganga - myndir

Ég var að vinna í turninum í Kópavoginu á laugardaginn og þar manaði Arnar Grant mig í að hlaupa upp fimmtán hæðirnar þar sem að þennan laugardag var keppnin í tröppuhlaupinu sem World Class stendur fyrir. Ég var kotroskinn þar sem að ég trítlaði á eftir Grantinum af fimmtándu hæð niður á þá fyrstu. Þetta yrði nú ekki mikið mál. 

Hann startaði mér svo og ég rauk upp tvær tröppur í einu, sprengikrafturinn gífurlegur en þegar ég var komin upp á sjöttu hæð þá var mér hætt að lítast á blikuna! Krafturinn dvínaði óðum og það hægðist verulega á mér og þegar ég var komin á níundu hæð var ég í alvörunni að spá í að hætta og þykjast hafa meitt mig eða eitthvað , hehe..nei nei en auðvitað hélt ég áfram þótt ég væri komin með blóðbragð í munninn og verki í framanverð lærin.

Síðustu hæðina fannst mér ég skríða upp, var gjörsamlega búinn þegar ég náði efstu tröppunni. Og tíminn; 1. mínúta og 56 sekúndur. Það voru um 10 - 15 manns sem hlupu upp og ég náði besta kvennatímanum þann daginn. Ég var sex sekúndum of lengi til að ná árskortinu af Nínu Dögg sem á metið frá byrjun - 1. mínútu og 50. sekúndur. Jæja hvað hef ég svo sem að gera við árskort.  En ég ætla þó að reyna við stigana aftur , næst þegar verður hlaupið í byrjun næsta mánaðar. Og þá SKAL ég bæta það!

Það var frábært veðrið og ég ákvað að fara á Esjuna með Lúkas minn. Það var hreint yndislegt á Esjunni. Ég hafði þó klætt mig allt of vel og svitnaði þvílíkt, það er svo erfitt að vita hvernig maður á að klæða sig á þessu landi. Það var mikill snjór á fjallinu og því erfiðara yfirferðar en á sumrin en alveg ofboðslega fallegt að sjá yfir. 

Ég fór ekki alveg á toppinn, treysti hundinum ekki til þess, var svo hrædd um að hann myndi bara hrapa þar sem fjallið er sem brattast. Hann hefði aldrei komist upp klettana efst.

En þetta var samt flottur göngutúr og ég reyndi að hlaupa svo niður en það var mun erfiðara en á Úlfarsfellinu þar sem brattinn var meiri og oft mjóir stígarnir og hætta á að misstíga sig og renna í snjónum. Æðislega gaman ... og ég ætla að gera þetta að venju um helgar.

Fórum í matarboð á laugardagskvöldið til vinarfólks og við skyldum ekkert í því hvað Olli var eitthvað niðurlútur og rólegur. Hann var þá kominn með hita og sofnaði bara í fanginu á pabba sínum í sófanum. Var funheitur um nóttina með mikinn hita en mun skárri í dag. Ég er heima hjá honum í dag. 

 Kær kveðja , Ester.

 

Stjörnumerkin eftir að kynlífi lýkur !!!

 

Hrútur: Ok, gerum það aftur !

Naut: Ég er svöng - pöntum pizzu

Tvíburi: Veistu hvar fjarstýringin er ?

Krabbi: Hvenær giftum við okkur ??

Ljón: Var ég ekki frábær ??

Meyja: Ég verð að þvo rúmfötin núna

Vog: Mér fannst þetta gott ef þér fannst það líka

Sporðdreki: Hef fengið það betra sko

Bogamaður: Ekki hringja í mig -ég hringi í þig.

Vatnsberi: Gerum það núna í engum fötum !

Fiskur: Hvað sagðist þú annars heita ?

Steingeit: Áttu nafnspjald ?

 

Ég væri líka dugleg að kyssa..

..Orlando Bloom.  Hver vill ekki kyssa þetta krútt?    Svo er sagt að hann sé ekki við eina fjölina felldur?Aumingja maðurinn.  Hann getur ekki að því gert þó hann sé sætur. 

Bloom og Willis kela

Eurovision og Úlfarsfell um helgina..tvisvar!

Þá er þetta allt of langdregna eurovision búið , hér á íslandi að minnsta kosti.  Sjónvarpið dró úrslitin í lengstu lög..haha.. ( í lengstu lög).  Davíð bróðir minn var einn  af þeim hundrað og eitthvað sem sendu lög í keppnina og einn af fáum sem komst í gegn..   Mér fannst lagið hans æðislegt..svolítið skandínavískt, hefði geta verið frá Dönum eða Svíum.  Fannst lagið ekki fá þá athygli sem það átti skilið.  En bróðir minn er sáttur, hann komst þó þetta langt. 

 

This is my life - lagið sem vann, er hresst, skemmtilegt og töff..góðir söngvarar en eins og mörgum þá líkaði mér ekki kommentið sem Friðrik Ómar þurfti endilega að koma frá sér þarna í lokin upp á sviðinu. Hann hefði verið meri maður ef hann hefði þakkað fyrir spennandi keppni en nei.. í staðinn þurfti hann að "sparka í liggjandi mann". 

Nenni svo  ekki að tala meira um eurovision. 

 

Ég fór með hundinn minn "litla hundspottið" á Úlfarsfell á laugardaginn.  Þetta er auðveld leið að ganga, fjallið er aflíðandi og ekki of bratt , nema efst - þar er smá bratti og ég hélt meira að segja á hundspottinu mínu niður því  ég var hrædd um að hann myndi fljúgja niður brattann í öllum æsingnum.  

Hljóp svo alla leið niður fjallið  í snjónum  með hundinn á hælunum og fannst svo hrikalega gaman að ég fór aftur á sunnudagsmorguninn.  Veðrið var  yndislegt, 4 stiga frost en sól og nánast logn.  Og rosalega er fallegt að horfa yfir borgina og sundin blá ofan af Úlfarsfellinu.  

 

Kommúnan í Borgarleikhúsinu

Ég er enn á lífi.  Veit upp á mig sökina, er búin að vera skelfilega löt við að blogga.   Er komin á Facebook og hef notað allan dauðan tíma þar .  En nú langar mig að blogga örlítið um leikritið sem ég sá um síðustu helgi.

Ég fór sem sagt á forsýningu á "Kommúnan", sýnt í Borgarleikhúsinu.  Sviðsmyndin var skemmtilega sett upp, á miðju gólfi og áhorfendabekkir á móti hvor öðrum. Ég sat á fremsta bekk og því nánast inní sviðsmyndinni.  Gat stundum snert leikarana ( lét það þó vera) og einu sinni sparkaði Gael Garcia Bernal í fótinn á mér ( óvart þó) ..ekki fast þó en ég hefði ekkert grátið þó ég hefði fengið marblett.  Hefði sýnt hann öllum og montað mig á því hver gaf mér hann .  Það kom mér reyndar mikið á óvart hvað hann er lágvaxinn.  Ekki nema 170 á hæð ef hann nær því þá. En hann er stórkostlegur leikari og var æðislegur í hutverki sínu sem Salvatore. 

Ólafur Darri var æðislegur í hlutverki barnslega einlæga hippans Georgs sem mátti ekkert aumt sjá, Árni Pétur Gunnarsson var geggjaður í hlutverki miðaldra hommans Ragnars, Nína Dögg var mjög sannfærandi sem Anna lesbía, spænska leikkonan Elena Anaya sem lék Lenu kærustu Georgs var frábær..já og allir hinir leikararnir sem ég tel ekki upp skiluðu hlutverkinu vel af sér. 

 Ég og vinkona mín sem fór með mér á leikritið við skemmtum okkur konunglega.  Seinni hlutinn var mun betri en fyrri hlutinn fannst okkur, og við svifum nánast út úr salnum í gleði hippafílingsins þegar leikritið var búið.

Tónlistin var skemmtileg, gömul hippatónlist og vinylplötur í bland við reykmettað umhverfið gáfu hippa-hassstemningu eins og hún gerist best ( að ég held).

Búningarnir voru geggjaðir, ekki laust við að mig langaði í ljósbláu útvíðu gallabuxurnar með blómamunstrinu sem Salvatore klæddist og hippamussuna sem Anna var í . 

Kommúnan er byggð á sænsku myndinni "Tillsamans" sem vildi svo vel til að ég var búin að sjá sem gerði þetta enn skemmtilegra . Sú mynd var virkilega góð og ekki fannst mér Kommúnan síðri.

Mæli þvílíkt með þessu leikriti ef fólk hefur hug á því að skemmta sér vel.  

Kommúnan
Leikstjóri:Gísli Örn Garðasson

  
Leikgerð Gísli Örn Garðarsson

Nýja sviðið
Frumsýnt 21.febrúar 2008

Við erum stödd á Íslandi 1975. Húsmóðirin Elísabet flýr undan drukknum ofbeldishneigðum eiginmanni sínum Róberti, ásamt dóttur sinni Evu, á náðir bróður síns sem býr í hippakommúnunni "Gleymmér ei" á milli Selfoss og Hveragerðis. Í kommúnunni búa auk bróðurins Georgs og Lenu spænsku kærustu hans, Anna sem er nýorðin lesbía, Franco hatarinn Salvatore og sonur þeirra Tet, miðaldra homminn Ragnar og ofstækisfulli uppreisnarsinninn Eiríkur. Þetta er litríkur hópur sem vegsamar frelsið og fyrirlítur efnishyggju og smáborgarhátt.
Þrátt fyrir frelsið gengur misvel fyrir hópinn að búa saman, þau rökræða um flesta hluti og eru ekki alltaf sammál en allir eiga að brosa í "Gleym mér ei".
Kommúnan er skemmtilegur gamanleikur með dökkum undirtón unninn upp úr verðlauna myndinni Tillsammans eftir Lukas Moodysson.

Leikarar:
Atli Rafn Sigurðsson, Árni Pétur Guðjónsson, Elena Anaya, Gael Garcia Bernal, Nína Dögg Filippusdóttir, Ólafur Darri Ólafsson, Rúnar Freyr Gíslason, Sara Dögg Ásgeirsdóttir, Urður Bergsdóttir/Ingibjörg Sóllilja Baltasarsdóttir, Rafn Kumar Bonifacius/Aron Brink.

Listrænir stjórnendur
Aðstoðaleikstjóri: Jón Gunnar Þórðarson
Hljóð: Jakob Tryggvason
Ljós: Halldór Örn Óskarsson
Leikgervi: Sigriður Rósa Bjarnadóttir
Búningar: Ríkey Kristjánsdóttir
Tónlist: Karl Olgeirsson
Leikmynd: Börkur Jónsson
Leikstórn: Gísli Örn Garðarsson

Sýningin er samstarf Leikfélags Reykjavíkur og Vesturports

Egilsstaðir - Reykjavík?

Tommy Lee veðurtepptur á Egilsstöðum...hahaha..eða svona næstum því! Gat ekki annað en brosað út í annað þegar ég las þessa frétt. Töffarinn hann Tommy Lee var í flugvél Icelandair sem ekki gat lent á keflavíkurvelli sökum veðurs. Og lenti því á Egilstöðum. Ætli hann hafi haldið að Egilsstaðir væru Reykjavík? Muhahaha...

 

Tommy Lee alsæll á Egilsstöðum