Eru bækur of dýrar?

Varð að taka smá pásu frá próflestri í dag til að fara og kaupa jólagjafir svo kalli bróðir geti tekið með sér pakkana til Ítalíu. Hann býr þar nefnilega núna, og er að fara út á morgun. Var að vinna við ýmislegt hér heima, "Frostrósir" m.a. Ég skaust í Bónus og Hagkaup og skoðaði meðal annars bækur. Ég hef nú aldrei talið mig níska, frekar sparsama en mér finnst bækur vera of dýrar. Þurfa bækur að kosta þetta mikið? Mér finnst eins og bækur séu orðnar dýrari nú   en áður fyrr miða við ýmislegt annað.  Þetta er mín tilfinning en kannski er það rugl.  Ég stundaði það nú á árum áður að fara td. í Eymundsson og keypti þar oft stórgóðar  eldri bækur á niðursettu verði á 200-800 kr.  Þessar bækur voru hér og þar í hillunum, inn á milli dýrari bóka.   Ég fékk heilmikið út úr þessu, það er svo skemmtilegt að krúska í bókahillum og labba svo út með  góða bók sem kostaði  nokkur hundruð kall.  ´Enda á ég marga kassa af bókum niðrí geymslu.  Hef því miður ekki pláss fyrir þær uppi við , ekki fyrr en ég flyt í einbýlishúsið .  

Þar til síðar ..

Ester 

Næringafræðiprófið búið og mér gekk ..

..vel vel VEL !!!!!  Ætlaði ekki að trúa því hvað mér gekk vel að svara flestöllum spurningunum!  Þá er það bara næsta próf..Lífeðlisfræði...hef einn dag til að lesa undir það próf..líst ekki á það   Hef annars voðalítið að segja, er búin að læra frá því kl. átta í morgun og fór svo í skólann klukkan þrjú.    Hræðilegt með öll þessi slys í umferðinni.. .. Ég samhryggist innilega öllum þeim sem eiga um sárt að binda.   'Eg finn að ég er orðin miklu hræddari um ástvini/ættingja og vini ..er fljót að hringja ef ég heyri af slysi.  Leggjum okkar að mörkum, förum varlega í umferðinni og flýtum okkur hægt.  

Knús Ester  

Nýji diskur bróður míns.

Loksins komnar inn nýjar myndir .  Heyrði i útvarpinu áðan að Elton John væri að túra um Ástralíu, gott hjá sextugum karlinum.  Nýja lagið hans er þrusugott, hann klikkar ekki.  Heyrði viðtal við yngri bróðir minn á rás tvö í dag, hann ásamt öðrum í Brooklyn fæv  voru að gefa út jóladisk og ég hvet ykkur til að hlusta á hann. Hreint unaðslega fallegur. Þeir tóku hann upp í ágúst, sögðust hafa verið komnir í jólafílingin þegar þeir löbbuðu úr stúdíóinu út í glampandi sólskinið.  Það hefði ekki alveg meikað sens. En jólalegur er diskurinn, enginn undirleikur bara raddaður. Mér finnst það alltaf svo flott.  Voru víst í vandræðum með nafn á diskinn.. allir jóladiskar heita - Gleðileg jól svo þeim datt í hug - Góð jól en það hefur ekki verið notað áður.   Annars er ég í próflestri , fer ekki í jólafílinginn fyrr en prófin eru búinn eða næsta laugardag.  Jólaskemmtun World Class er einmitt á laugardagskvöldið næsta svo maður á eftir að skvetta ærlega úr klaufunum þá. .

Kolvitlaust veður!

Var að koma inn úr kolbrjáluðu veðri..úfff.  Fór niður í Laugar til að læra um sjöleytið og þá var hálfgerður skafrenningur.  Kom heim um tíuleytið áðan og þá hafði snjókoman breyst í rigningu og það hefur hvesst ennþá meira.  Þvílíkur vatnselgur á götunum!  Rosaleg rigning og rokið tók þvílíkt í bílinn.  Samt skárra að hafa rigningu en skafrenning.

Ég fékk að nota fundarsalinn í  Laugum til að læra því þar er þögn og þar er friður.. og mér veitir sko ekki af því!  Er að byrja í prófum á mánudaginn, og lestrarefnið er ótrúlega mikið!  Næringafræði á mánudag, lífeðlisfræði á miðvikudag og þjálffræði + útreikningar á laugardaginn.   Nám með vinnu hvað!  

Tók mér frí á mán - þriðj - miðvikud til að geta komist alla vega einu sinni í gegnum efnið.  Við sem erum í þessu námi erum ekki alveg nógu ánægð með hvað þetta nám er yfirgripsmikið og auglýst sem "nám með vinnu". Það er ekki fyrir heilvita mann sem ætlar að reyna að ná prófunum að gera þetta án þess að taka sér frí í vinnunni.  Og ég er ekki sú eina sem tók mér frí í vinnu.  

Ætla núna að taka mér smá frí frá lestrinum og bögglast við að setja inn myndir úr afmælisveislunni minni

Góða helgi

Afmælisveislan

Þórdís vinkona segir allt í einu við mig: "  má ég segja nokkur orð" ?  .. og ég spyr:" ætlaru að biðja mig um að giftast þér"?  ..hún hló og sagði nei reyndar ekki " og ég sauðurinn fattaði auðvitað ekki neitt, ætlaði að fara að labba fram, hélt hún ætlaði að segja eitthvað undir fjögur augu. En þá stendur Þórdís upp , slær í bollann sinn með skeiðinni og heldur ræðu!  Um mig auðvitað, ansi skemmtileg ræða hjá henni, Þórdís kann þetta.  Samt hálfvandræðalegt að heyra talað um sig fyrir framan fullt af fólki  þegar maður er ekki vanur því. Við Þórdís erum æskuvinkonur, búnar að þekkjast í  í 37 ár, vorum saman á leikskóla, og bjuggum nánast í sama húsi, síðan kom nokkura ára hlé , þar til ég byrjaði í hlíðarskóla ellefu ára gömul, þá hittumst við aftur og búnar að halda sambandi alla tíð síðan.   

Var sem sagt með afmælisveisluna í gær.   Ótrúlega gaman að hitta allt þetta fólk.  Ég held alltaf upp á afmæli, finnst svo gaman að hitta fólkið en núna bauð ég aðeins fleirum en venjulega.  Nóg var af kræsingum.. ég hef aldrei þurft að hafa eins lítið fyrir bakkelsinu þar sem mamma kom með fullt af tertum  , afgangar frá því úr erfidrykkjunni.  Mamma kom líka með pönnukökur sem hún hafði bakað.  Bestu pönnukökur í heimi!    Ég gerði bara eina stóra brauðtertu og smurði svo litlar snittur ( alltaf mjög vinsælt) .  

Það voru nú samt ekkert rosalega margir , kannski 25 manns, en alveg nóg, fólk sem mér þykir vænt um.  Tók nokkrar myndir úr afmælinu, set þær inn fljótlega.  

Jarðaför afa míns.

 Í gær var móðurafi minn kistulagður og jarðaförin fór fram sama dag.  Yndisleg jarðaför ef hægt er að orða það svo. Troðfull kirkja því Steini afi var vinamargur. Ég á bágt með mig í jarðaförum, mér nægir að sjá fólk sem mér þykir vænt um gráta, þá fer ég líka að gráta.  Eða að heyra fallega tónlist, það nægir til að koma tárunum af stað.  Eða hugsa um afa eins og hann var og hvað það er sorglegt að fá ekki að sjá hann aftur í lifanda lífi.  Í kistulagningunni braust sólinn allt í einu fram og geislarnir skinu inn um rúðuna.  Það gerðist aftur í jarðaförinni, einmitt þegar verið var að spila eitt af fallegu lögunum og vil ég trúa því að þetta sé táknrænt. 

Tónlist skipti afa miklu máli.  Hann var mjög músíkalskur og spilaði á harmonikku og hljómborð.  Hann elskaði falleg lög, og hélt m. a. mikið upp á karlakóra.  Í kirkjunni söng Jóhann Friðgeir Valdimarsson og Bergþór Pálsson, auk karlakórs sem var hreint frábær að hlusta á.  Þegar þeir sungu lagið " Drottinn er minn hirðir" þá féll ég saman, þetta er svo fallegt lag og raddirnar voru svo fallegar.  Ég og bræður mínir , auk pabba, Robba frænda og þremur öðrum vorum burðarmenn, svo við sátum fremst við kistuna.

Eftir jarðaförðina þá var kaffi og meðlæti í safnaðarheimilinu og þar var sko ekkert skorið við nögl.  Mikið hefði afi haft gaman af að hitta allt þetta fólk, vini sína og ættingja. Hann var svo félagslyndur hann afi.  

Það var þó létt yfir fólki í kaffinui, afi var léttur karl, mjög lífsglaður maður og hefði hann verið staddur þarna ( hver veit) þá hefði hann verið manna hressastur.   Áttatíu og eitt gott ár átti afi og megnið af þeim með henni ömmu, á næsta ári hefðu þau átt demantsbrúðkaup, 60 ára!  

Ég mun sakna þín mikið afi minn, þú varst svo mikill karakter.  

 

Drottinn er minn hirðir

Drottinn er minn hirðir,
mig mun ekkert bresta.
Á grænum grundum lætur hann mig hvílast,
leiðir mig að vötnum,
þar sem ég má næðis njóta.
Hann hressir sál mína,
leiðir mig um réttan veg
fyrir sakir nafns síns.
Jafnvel þótt ég fari um dimman dal,
óttast ég ekkert illt því þú ert hjá mér.

Sproti þinn og stafur huggar mig.
Þú býrð mér borð
frammi fyrir fjendum mínum,
þú smyrð höfuð mitt með olíu,
bikar minn er barmafullur.
Já, gæfa og náð fylgja mér
alla ævidaga mína,
og í húsi drottins bý ég langa ævi.
Drottinn er minn hirðir,
mig mun ekkert bresta.

 

 

Ég er 40 ára í dag og ..

óska því eftir hamingjuóskum.."kvitt kvitt" ..=o).   Vó hvað mér finnst skrýtið að vera komin á fimmtugsaldurinn!     Mér fannst ekki nærri svona furðulegt að komast á fertugsaldurinn .  Og henni mömmu finnst þetta stórfurðulegt líka og þá aðalega afþví að það eru fjörutíu ár síðan og hún kom mér í heiminn.    Mamma er reyndar þrælung, bara 18 árum eldri en ég.  

 

En mál málanna í dag er sími sem maðurinn minn gaf mér í fyrradag.  Voða flottur Samsung sími. Eftir sólarhringshleðslu var símakortið sett í hann og þá kom í ljós fullt af myndum af einhverju fólki, vídeó og  minnislistar i dagbókinni.  Þetta eru íslenskir krakkar,  það heyrist í vídeóinu.     

Mér finnst til háborinnar skammar að vinnubrögðin séu ekki vandaðri en þetta  hjá Símanum, og algjört virðingaleysi gagnvart kúnnanum.   Mistök eða ekki mistök.   

Ég er að vinna til kl. 18 í dag , svo það er lítill tími í afmælisveislu, held því bara upp á það um helgina. Ég er í raun búin að halda upp á afmælið, ferðin til Barcelona var afmælisferð .   

Eigið frábæran dag í dag - það ætla ég að eiga

 

 

Myndir frá Barcelona komnar inn.

Endilega kíkið

Afi minn og fallega borgin Barcelona.

Fór inn í fallegustu kirkju sem ég hef komið í sl. sunnudag og þar féllu nokkur tár því ég var að missa afa minn.  Fékk þessar  sorglegu fréttir að heiman.  Hann kvaddi þennan heim aðfararnótt sunnudagsins.   En samt sem áður var það ákveðin léttir, hann þarf ekki að kveljast lengur og ástvinir hans þurfa ekki að horfa upp á hann kveljast.    Held að afi sé mér ofar í huga núna heldur en þessi stórkostlega ferð til Barcelona svo ég ætla að skrifa síðar um borgina.  En set smávegist af myndum inn af ferðinni.  Knús þar til næst. 

kveðja Ester. 

Þrumur yfir Reykjavík í kvöld?

Hvað eru allir að tala um þrumur?   Fólk hefur  verið að heyra í þrumum og þá sérstaklega þeir sem búa í 101 eða 104.   Getur það átt sér stað í svona kulda?  Hef alltaf heyrt að þrumur og eldingar komi þegar að heitt og kalt loft mætist og ég held það sé rétt. En getur það hafa gerst í kvöld? Væri þakklát fyrir ef einhver sem hefur vit á þessu komi með athugasemd, væri til í smá froðleiksmola.