Hvaða feluleikur er þetta??

Afhverju ætli  tannlæknar séu á móti því að gjaldskrá þeirra sé sýnileg?  Hafa þeir eitthvað að fela? Er ekki bara málið að þeir eru svo dýrir?   Ég vona að það náist   í gegn að gjaldskrá tannlækna verði aðgengileg á vef Tryggingastofnunar. Það eru sjálfsögð réttindi fólks að vita hvað verið er að borga fyrir þjónustuna. 

Ég hef aldrei skilið þennan feluleik með gjaldskránna hjá tannsa.  Ég hef sjálf hringt á nokkra staði áður en ég fer til tannlæknis og spurt um kostnað.  Oft hef ég fengið vægast sagt loðin svör.  "Tannlæknirinn metur það í hvert skipti" og fleira í þeim dúr. Ég hef í gegnum árin pirrað mig mikið á þvi hvað erfitt er að komast í gjaldskránna hjá þeim.

Mér finnst dónaskapur í garð viðskiptavina að hafa gjaldskránna ekki sýnilega.  Það eru ekki allir sem hafa efni á því að "lenda á" rándýrum Hollywood -tannlækni. 

Ég vil aðgengilega og sýnilega gjaldskrá tannlækna á vef tr.is !

 

 

Fékk dónaleg bréf frá tannlæknunum

Athugasemdir

[Gunnar Helgi Eysteinsson, 25.9.2007 kl. 12:28]

[Doddi - Þorsteinn G. Jónsson (IP-tala skráð) 25.9.2007 kl. 21:07]

Þetta er ekki bara með tannlækna. Ég hef bara aldrei skilið tilganginn í því að fela verðskrá! Þegar ég kíki yfir nótuna frá mínum tannlækni þá eru þar liðir sem allir hafa fasta tölu ... þessi tala ætti að geta staðið á töflu hvar sem er á vef eða í biðstofum ... (deyfing 900 kr. - tannhreinsun 3000 kr. - silfurfylling 3500 kr. - eða eitthvað svoleiðis ... )

Já, ég sagði að þetta væri ekki bara með tannlækna. Ég fékk inn um dyrnar um daginn blað frá líkamsræktarstöðinni Átaki. Virkilega flott blað með auglýsingum um hversu frábær staður þetta væri fyrir heilsuna. Það var eitt smáatriði sem fékk mig til að gjörsamlega henda blaðinu frá mér og ekki lesa það aftur: hvergi var talað um verð (á tímum, árskort, mánaðarkort ... o.s.frv.) - af hverju er það feluleikur?

Sjáið til dæmis take-away staðina sem auglýsa í Dagskránni eða Extrablaðinu hjá okkur hér fyrir norðan. Þar eru matseðlarnir klárir með verðunum á - ekkert vesen. Af hverju má það ekki gerast hjá tannlæknum, Átaki og sem flestum bara (öllum?)? 

[Einar Bragi Bragason., 25.9.2007 kl. 22:38]

Sammála

[Ester Júlía, 26.9.2007 kl. 08:07]

Já auðvitað á þetta ekki við bara um tannlækna. Þeir eru bara dæmi sem ég myndi helst taka um þá sem ekki gefa upp verðskránna sína því þeir eru svo svakalega dýrir!  Og ef við hunsum þá - þá gætum við þess vegna dáið úr sýkingum og hvað eina.  Þannig að maður hunsar ekki tannlækna.  Og ekki vill maður verða tannlaus um tvítugt. 

Glatað þetta með verðskránna hjá Átaki en þó er ég viss um að ef þú myndir hringja til að fá uppgefin verð þá stæði ekki á svörum.  Sem er ólíkt og með tannlæknum. 

kær kveðja Ester