Nei - þetta styð ég ekki.

Ég er heilsufrík með eindæmum en ég styð ekki reykingabann á sjúkrahúsum. 

  Ég sé td. fyrir mér að gengið verði í skrokk á starfsfólki geðdeildarinnar eða eitthvað þeim mun verra,  því það reykja MJÖG margir sjúklingar þar - og ekki lítið...heldur er kveikt í annarri áður en drepið er í .  ( er ekki samt að staðhæfa að allir geðsjúklingar reyki)  Þar er einnig áfengisdeild þs. meðferð við áfengis, eitur og lyfjafíkn og mjög margir halda sem fastast í löglega eiturlyfið sitt - sígarettuna. 

Mér líst ekki á þetta - verð að segja það.

 

 

 

 

Andað léttar á LSH

Athugasemdir

[Jenný Anna Baldursdóttir, 8.8.2007 kl. 16:40]

Ég hef ekki áhyggjur af því að geðsjúkir beiti starfsfólk ofbeldi. Ég hef miklar áhyggjur af heilsu þeirra þegar þeirra leið til að bjróta upp langan og erfiðan dag inni á geðdeild, hefur verið frá þeim tekin.

Kveðjur

[Ester Júlía, 8.8.2007 kl. 17:05]

Enda átti þetta nú bara að vera grín með ofbeldið .  En ég er 100% sammála þér með það sem þú segir Jenný. 

[Sævar Einarsson, 8.8.2007 kl. 17:20]

Þetta breytir engu, þetta skapar jú vandamál fyrir farlama og rúmliggjandi fólk en þetta verður eins og skeði fyrir skemmtistaðina, fólk fer útá næsta götuhorn, svo ég ráðlegg þeim sem eiga heima við spítala að gera sig reddí því ég mun svo sannarlega smóka á næsta götuhorni þangað til manni verður bannað að reykja utandyra, þegar það verður bannað þá tekur maður með sér kúlutjald. Maður fer að efast um að það sé sprenglært fólk sem er að semja þessa bannofstækisofbeldisforræðishyggjuþvælu.

[Jórunn Sigurbergsdóttir , 8.8.2007 kl. 20:05]

Sammála.

[Gissur Pálsson, 8.8.2007 kl. 21:42]

Ég hef það á tilfinningunni að þetta verði afar erfitt fyrir þá reykingamenn, inniliggjandi á LSH, sem eru að berjast við geðræn vandamál eða fíkn af einhverri gerð.  Held að stjórnvaldið sé stundum ekki með í þeim daglega raunveruleika sem litli lmaðurinn þarf við að glíma. Það koma ekki allir til með að anda léttar á LSH svo mikið er víst. 

[Ásthildur Cesil Þórðardóttir, 8.8.2007 kl. 23:14]

Þetta getur haft fyrirsjáanlega afleiðingar, þ.e. að fólk hreinlega labbi sig út úr meðferð.  Er það ef til vill einhver lausn?

[Solveig (IP-tala skráð) 9.8.2007 kl. 09:43]

Ég var að útskrifast í gær frá LSH og já ég reyki og það er greinilegt að þeir sem ákváðu þetta hafa ekki hugsað málið til enda. Ég er fastakúnni á Borgó (LSH) og það gengur á ýmsu en það að sjá aldrað fólk hálf grátandi yfir því að það eigi nú að banna þetta líka það skar mig í hjartað.  

[Aðalsteinn (IP-tala skráð) 10.8.2007 kl. 04:26]

Ég er að vinna á lsh-geðdeild og get upplýst að þetta er umdeilt. Erfitt að segja fólki í geðrofsástandi að ekki megi reykja. Og svo eru jú fíklar í sömu byggingu, þ.e. á 33-A og þeir renna einnig í gegnum bráðaherbergin á 32-c. Talað er um að bjóða sjúklingum upp á námskeið til að takast á við vandann... en hvað með psýkótiskt fólk, t.d. í maníu?

Sumum finnst fáránlegt að einhverjir toppar, sem eru aldrei eða nánast aldrei að vinna á deildum ákveði svona án þess að hafa samráð við starfsmenn, sem eru í náinni snertingu við sjúklinga. Veit ekki hvað skal segja um þetta... allavega er reykaðstaðan á minni deild fremur léleg, maður á svosem ekki eftir að sakna mengunarinnar (Það hafa ekki allir sjúklingar leyfi til að fara út á stétt og þeir fá að reykja inni og ekki má reykja á nóttinni). Svo má geta þess að ef bannað verður að reykja á lsh, gildir það væntanlega um lóðina líka og ansi langt að fara til að komast út af lóðinni...

[Solla Guðjóns, 12.8.2007 kl. 02:27]

Ég er geðsjúklingur sem hef sem betur fer aldrei "lennt" inni.Ég reyki.

Ég hef oft þurft að liggja á spítala útaf öðrum veikindum.Sem betur fer bara 1 til 5 sólahringa í einu.Síðast þegar ég var í legnámi á kvennadeil LSH þá var ég 4 s.h. Þar var engin reykaðstaða og fannst mér það ekkert tiltökumál enda varla rólfær.

En að ætla að fara að taka reykingar af á geðdeild er eiginlega að byrja á öfugum enda.All oft var rettan eina haldreipið mitt,hækjan mín.