Þú ert svooo flott kona!! En.....

Ég lenti í frábæru atviki í dag! Fór niðrá laugaveg á bílnum í dag að ná í manninn minn og börnin.

Höfðum ákveðið að hittast  við Mál og Menningu og lagði því bílnum þar. Þegar ég er
nýkomin út úr bílnum labbar til mín maður..ck. 25 - 30 ára með bakpoka. Leit út eins og
ferðamaður og ég hélt fyrst að hann væri útlendur.

- "VÁÁÁÁÁ" segir hann og horfir á mig!
- "HA ?" .. segi ég á móti .
-"VÁÁÁÁ ÞVÍLÍKT KRÚTT"!!! segir hann þá.
- "Hvað segiru , hver "? ..segi ég.
- "ÞÚÚÚ...þvílíkt flott kona"!!!!! Segir hann uppnumin.

Ég brosti kurteisislega og þakkaði honum fyrir.

- "NEI" ..segir hann þá allt i einu.
- "HA "...? segi ég aftur og horfi á hann undrandi.
"NEI" endurtekur hann, "ÉG VAR AÐ GRÍNAST". 

Svo tók hann um hálsinn á sér og lét eins og hann væri að kyrkja sjálfan sig og skar sig svo á háls með látbragði og skaut sig í höfuðið! Svo gekk hann í burtu.
Eftir stóð ég og vissi ekki hvort ég ætti að hlægja eða gráta :)))

 

 

 

 

Ég bjó í níu ár í miðbænum og var búin að gleyma hvað mannlífið þar er litskrúðugt.  Þetta hefði ekki átt að koma mér á óvart en gerði það svo sannarlega.  Nú er ég nefnilega orðin úthverfarotta þar sem allir eru svo  normal og eðlilegir

                                                                                                                                                              

 

Athugasemdir

[Gunnar Helgi Eysteinsson, 23.7.2007 kl. 21:20]

*lol*

[Ragga (IP-tala skráð) 23.7.2007 kl. 21:57]

Ja hérna, spes!

[Huld S. Ringsted, 23.7.2007 kl. 22:01]

Á hveju skildi hann hafa verið??

[Ester Júlía, 23.7.2007 kl. 22:05]

Já þetta var MJÖG spes.  Hann nefnilega virkaði svo svakalega "eðlilegur" maðurinn.   En ef ég ætti að giska á eitthvað , þá myndi ég helst nefna "sveppir". 

[Einar Bragi Bragason., 23.7.2007 kl. 22:31]

Þú ert flott kona

[Heiða Þórðar, 23.7.2007 kl. 22:43]

Dísess! Þetta er nú bara sýrutripp dauðans....

[Doddi - Þorsteinn G. Jónsson (IP-tala skráð) 24.7.2007 kl. 11:01]

Þetta hefur verið skemmtileg upplifun! Ég elska þá tilfinningu að vita ekki hvort maður ætti að gráta eða hlæja!

Hins vegar fannst mér æðislega gaman að sjá eina konu verða svo sótrauðust í framan þegar hún kom á bókasafnið með litla barnið sitt og það byrjaði auðvitað á því að benda á mig í afgreiðslunni og sagði hátt við mömmu sína: "Sjáðu mamma, manninn með sköllótta hárið!"

Ég veit að maður á ekki að hlæja að lánþegum safnsins ... en konan varð bara svo rauð og þetta var svo yndislegt allt saman! 

[Ásta Soffía Ástþórsdóttir, 24.7.2007 kl. 11:59]

Ég verð nú að viðurkenna að mér finnst þetta drepfyndið!

[Drilla, 24.7.2007 kl. 12:28]

HAHA, ég elska sérvitringa, hef gaman af þeim, eins og einn sem söng fyrir mig í Fjarðarkaup í vetur, hátt og snjallt yfir alla búðina og hélt í hendina á mér.

Hann er frægur sérvitringur og kemst upp með að haga sér svona, ef hann hefði ekki verið þekktur fyrir sín uppátæki þá hefði ég bókað haldið að hann væri á einhverju og ekki fundist hann eins skemmtilegur :)

Ég ætla að verða sérvitringur þegar ég verð stór, það fylgir því forréttindi :)

En þú ert skoooo flott kona :)

[Jórunn Sigurbergsdóttir , 24.7.2007 kl. 16:08]

Já en þú ert svo flott kona. Það finnst mér.

[mongoqueen, 24.7.2007 kl. 19:43]

Þú ert sko stórglæsileg stelpa.

Hefur þetta ekki verið falin myndavél eða eitthvað svoleiðis???

[Einar Bragi Bragason., 25.7.2007 kl. 00:48]

Kíktu á barnasögu saxa

[Solla Guðjóns, 26.7.2007 kl. 02:26]

Skemmtilegt auðvita meinti hann þetta og vissi svo ekkert hvernig hann ætti að haga sér í framhaldinu....skemmtilegar svona létttruflaðar verur