Kommúnan í Borgarleikhúsinu

Ég er enn á lífi.  Veit upp á mig sökina, er búin að vera skelfilega löt við að blogga.   Er komin á Facebook og hef notað allan dauðan tíma þar .  En nú langar mig að blogga örlítið um leikritið sem ég sá um síðustu helgi.

Ég fór sem sagt á forsýningu á "Kommúnan", sýnt í Borgarleikhúsinu.  Sviðsmyndin var skemmtilega sett upp, á miðju gólfi og áhorfendabekkir á móti hvor öðrum. Ég sat á fremsta bekk og því nánast inní sviðsmyndinni.  Gat stundum snert leikarana ( lét það þó vera) og einu sinni sparkaði Gael Garcia Bernal í fótinn á mér ( óvart þó) ..ekki fast þó en ég hefði ekkert grátið þó ég hefði fengið marblett.  Hefði sýnt hann öllum og montað mig á því hver gaf mér hann .  Það kom mér reyndar mikið á óvart hvað hann er lágvaxinn.  Ekki nema 170 á hæð ef hann nær því þá. En hann er stórkostlegur leikari og var æðislegur í hutverki sínu sem Salvatore. 

Ólafur Darri var æðislegur í hlutverki barnslega einlæga hippans Georgs sem mátti ekkert aumt sjá, Árni Pétur Gunnarsson var geggjaður í hlutverki miðaldra hommans Ragnars, Nína Dögg var mjög sannfærandi sem Anna lesbía, spænska leikkonan Elena Anaya sem lék Lenu kærustu Georgs var frábær..já og allir hinir leikararnir sem ég tel ekki upp skiluðu hlutverkinu vel af sér. 

 Ég og vinkona mín sem fór með mér á leikritið við skemmtum okkur konunglega.  Seinni hlutinn var mun betri en fyrri hlutinn fannst okkur, og við svifum nánast út úr salnum í gleði hippafílingsins þegar leikritið var búið.

Tónlistin var skemmtileg, gömul hippatónlist og vinylplötur í bland við reykmettað umhverfið gáfu hippa-hassstemningu eins og hún gerist best ( að ég held).

Búningarnir voru geggjaðir, ekki laust við að mig langaði í ljósbláu útvíðu gallabuxurnar með blómamunstrinu sem Salvatore klæddist og hippamussuna sem Anna var í . 

Kommúnan er byggð á sænsku myndinni "Tillsamans" sem vildi svo vel til að ég var búin að sjá sem gerði þetta enn skemmtilegra . Sú mynd var virkilega góð og ekki fannst mér Kommúnan síðri.

Mæli þvílíkt með þessu leikriti ef fólk hefur hug á því að skemmta sér vel.  

Kommúnan
Leikstjóri:Gísli Örn Garðasson

  
Leikgerð Gísli Örn Garðarsson

Nýja sviðið
Frumsýnt 21.febrúar 2008

Við erum stödd á Íslandi 1975. Húsmóðirin Elísabet flýr undan drukknum ofbeldishneigðum eiginmanni sínum Róberti, ásamt dóttur sinni Evu, á náðir bróður síns sem býr í hippakommúnunni "Gleymmér ei" á milli Selfoss og Hveragerðis. Í kommúnunni búa auk bróðurins Georgs og Lenu spænsku kærustu hans, Anna sem er nýorðin lesbía, Franco hatarinn Salvatore og sonur þeirra Tet, miðaldra homminn Ragnar og ofstækisfulli uppreisnarsinninn Eiríkur. Þetta er litríkur hópur sem vegsamar frelsið og fyrirlítur efnishyggju og smáborgarhátt.
Þrátt fyrir frelsið gengur misvel fyrir hópinn að búa saman, þau rökræða um flesta hluti og eru ekki alltaf sammál en allir eiga að brosa í "Gleym mér ei".
Kommúnan er skemmtilegur gamanleikur með dökkum undirtón unninn upp úr verðlauna myndinni Tillsammans eftir Lukas Moodysson.

Leikarar:
Atli Rafn Sigurðsson, Árni Pétur Guðjónsson, Elena Anaya, Gael Garcia Bernal, Nína Dögg Filippusdóttir, Ólafur Darri Ólafsson, Rúnar Freyr Gíslason, Sara Dögg Ásgeirsdóttir, Urður Bergsdóttir/Ingibjörg Sóllilja Baltasarsdóttir, Rafn Kumar Bonifacius/Aron Brink.

Listrænir stjórnendur
Aðstoðaleikstjóri: Jón Gunnar Þórðarson
Hljóð: Jakob Tryggvason
Ljós: Halldór Örn Óskarsson
Leikgervi: Sigriður Rósa Bjarnadóttir
Búningar: Ríkey Kristjánsdóttir
Tónlist: Karl Olgeirsson
Leikmynd: Börkur Jónsson
Leikstórn: Gísli Örn Garðarsson

Sýningin er samstarf Leikfélags Reykjavíkur og Vesturports

Athugasemdir

[Einar Bragi Bragason., 22.2.2008 kl. 11:29]

hey þú átt að vera gagnrínandi ...flott hjá þér...er með Facebook en er ekki alveg að fatta það dæmi......en hef saknað þín hér

[Einar Bragi Bragason., 22.2.2008 kl. 13:18]

hver er bróðir þinn??

[Ásthildur Cesil Þórðardóttir, 22.2.2008 kl. 13:25]

Hef saknað þín mín kæra, gott að þú ert komin aftur.  Gaman að þessari leiklistar umfjöllun.

[Ester Júlía, 22.2.2008 kl. 13:26]

Davíð Þorsteinn Olgeirsson

[Einar Bragi Bragason., 22.2.2008 kl. 15:55]

Lagið hans er flott

[Gunnar Helgi Eysteinsson, 22.2.2008 kl. 17:25]

Velkomin aftur í geim bloggara

[Solla Guðjóns, 23.2.2008 kl. 03:12]

Estró elskan mín vá hvað ég hef saknað þín heil ósköp

[Gísli Torfi, 23.2.2008 kl. 10:27]

já það er ekki laust við það að maður þurfi að fara á þetta stykki og já fjésbókin er skemmtileg  já er bróðir þinn að flytj eigið lag ef ég man rétt í kvöld ..þetta verður skemmtilegt í kvöld.

Eigðu góða helgi og konudag

[Doddi - Þorsteinn G. Jónsson (IP-tala skráð) 23.2.2008 kl. 16:49]

Hef saknað þín líka - enda ertu bara sætust og flottust og skemmtilegust - ætla að hafa upp á þér á Facebook - takk fyrir!

[Ester Júlía, 24.2.2008 kl. 00:47]

Takk elskurnar .. ég hef saknað ykkar líka svakalega.

Og Einar Bragi, takk fyrir það, ( hrósið um gagnrýnina og lagið hans Davíðs). Ég er sjálf voða hrifin af laginu hans, hann flutti það líka bráðvel og ég er voðalega stolt af honum.

Takk Gísli Torfi..ætla að njóta konudagsins ..góða helgi sömuleiðis ljúfur.

[Solla Guðjóns, 24.2.2008 kl. 04:17]

in yors dreem.........bíddu við lag nr:9002001 því lagi og sygurlaginu gaf ég atkvæði til skiptis .ar til inneignin mín var búin..........ég heyrði þetta lag fyrir viku eða síðasta laugardag of varð heilluð...........ER hann Bróðir þinn þessi frábæri söngva og lagahöfundur???????????

[Adda bloggar, 24.2.2008 kl. 15:53]

Christian Glitter by www.christianglitter.com

[Jórunn Sigurbergsdóttir , 24.2.2008 kl. 19:40]

Ester gaman að sjá þig og gaman að lesa þetta.

[Ester Júlía, 25.2.2008 kl. 07:29]

Híhí..já Ollasak, Davíð  er bróðir minn ..gaman að því að þú skyldir kjósa hann líka!!  Æðislegt!!  Hæææ Jórunn , æðislega gaman að sjá þig líka!!