Hvolpapabbinn Hermann

Þið fáið bara bloggfærslur um hunda frá mér þessa daganna .  Fór í dag að heimsækja pabba hvolpsins míns.  Sá býr í Reykjavík og heitir Hermann.  Innfluttur verðlaunahundur.  Og sá er æðislegur.  .Þvílíkt fallegur! Ég ætlaði ekki að geta komið mér út, hefði vel getað verið þarna allan daginn bara .

Fór út í langan göngutúr fyrripartinn, labbaði hálfa leið til mosfellsbæjar og á leiðinni hringdi vinur minn í mig sem sagðist ætla að ná i mig og keyra mig heim.  Spreyja vatni yfir mig úr úðabrúsa svo ég gæti logið því að ég væri svo sveitt eftir gönguna .  Hann kom nú reyndar ekkert..svo ég varð að klára gönguna og verða "sjálf"sveitt .  Var með fylltar beikonvafðar kjúklingabringur í matinn, er hreinlega að springa ennþá en mikið voru þær góðar!

Athugasemdir

[Kolla, 7.4.2007 kl. 00:22]

Hann Hermann er nú meiri snúllan skil vel að þig langaði bara ekkert að fara frá honum.

Knús 

[Ólafur fannberg, 7.4.2007 kl. 09:29]

páskainnlitskveðja

[Jórunn Sigurbergsdóttir , 7.4.2007 kl. 12:18]

Kjúklingur svíkur ekki. Já, aðalmálið hjá þér þessa dagana eru hundar. held ég.

[bara Maja..., 7.4.2007 kl. 18:29]

Uppskrift takk, hljómar vel beikonvafðar kjúklingabringur, namm... hann Hermann er flottur, það verður gaman að sjá mynd af litla hvolpinum sem þú velur þér

[Jenný Anna Baldursdóttir, 7.4.2007 kl. 20:19]

Já ég vil uppskrift.  Ef þú vildir vera svo væn Ester mín

[Sigrún Friðriksdóttir, 8.4.2007 kl. 14:09]

Gleðilega páska Ester mín, ég passa mig að skoða ekkert of mikið hundana hjá þér, ég þarfnast víst ekki hunds núna á meðan ég get ekki séð um sjálfan mig einusinni  en ég fékk kast eftir að ég las um papillionana hjá þér og fór á netið, en nei ætla ekki að bæta við í fjölskylduni núna

Knús og klemm

[Guðríður Hrefna Haraldsdóttir, 8.4.2007 kl. 14:48]

Gleðilega páska og til hamingju með voffffffffa!!! Sá er sætur!

[Ester Júlía, 8.4.2007 kl. 17:31]

Uppskrift að fylltum kjúklingabringum :  ÉG sker í bringurnar miðjar ( ekki alla leið) og set rjómaost á milli.  ( helling) Það má setja í rauninni hvað sem er á milli með rjómaostinum, sólþurrkaðir tómatar eru td. góðir.

Krydda bringurnar með góðu kjúklingakryddi.  Vef beikonsneiðum utan um hverja og eina bringu , td. tvær á hverja , þannig lokar maður bringunum og kemur gott bragð af beikoninu.  Inn í ofn í ofnfast fat  í 35-45 mín.  (180gr á blæstri).

Það má svo hafa eitthverja góða sósu með, ég hafði barbequesósu í þetta skiptið, mjög einfalt, notaðist við tibúna barbequesósu úr flösku, blandaði rjóma saman við.  Gott að blanda saman við þetta pesto..ef til er.. Bara að prófa sig áfram.  Bon appetit...