Doktor Dauði fundinn?

Ég las þessa frétt á Visi.is : 

 

"Segjast hafa fundið nasistaböðulinn Doktor Dauða

Starfsmenn Simon Wiesenthal stofnunarinnar segja að þeir hafi fundið Aribert Heim þekktan nasistaböðul frá tímum seinni heimstyjaldarinnar.

Heim sem þekktur var undir nafninu Doktor Dauði sé í felum ásamt dóttur sinni í smábænum Patagonia í Chile. Tveir menn frá stofnuninni eru nú á leið til bæjarins til að staðfesta þessar upplýsingar.

Heim var yfirmaður í Mauthausen útrýmingabúðunum í Austurríki þar sem hann framkvæmdi skurðaðgerðir og aflimanir án þess að deyfa eða svæfa viðkomandi. Einnig mun hann hafa pínt marga af föngunum í búðunum áður en hann myrti þá "

  ------------

Í framhaldi af lestrinum gúgglaði ég Aribert Heim (Dr. Dauða) og las ýmsar greinar og skoðaði myndir tengdum böðlinum. 
Og þvílík grimmdarverk sem þessi böðull framkvæmdi!  Aflimanir án deyfingar, opna fólk og taka úr því líffæri án deyfingar, skera af fólki höfuðleðrið án deyfingar osfr.  Skipti engu hvort um var að ræða lítil börn eða gamalmenni. 

Ég vona innilega að þessi mannskepna náist og hann fái sem harðastan dóm fyrir verk sín þótt sá dómur muni að sjálfsögðu aldrei fullnægja þeim grimmdarverkum sem hann er sekur um. 

 Dr. Dauði er 93 ára (jafnvel eldri) og hvort sem hann finnst eða ekki þá sleppur hann ekki við dóm frá þeim sem öllu ræður.  Og þess er varla langt að bíða.  

Athugasemdir

[Róbert Schmidt (IP-tala skráð) 9.7.2008 kl. 13:50]

Já, það er skeflilegt til þess að hugsa hvers konar óhugnaður fór fram hér forðum daga, hvort sem var í Austurríki, Þýskalandi, Ítalíu eða Rússlandi. Allstaðar má lesa hræðilegar frásagnir af pyntingum og tilraunum á saklausu mannfólki sem maður fær aldrei skilið hvers vegna. Þessir glæpamenn eru sjúkir og eins og einhver sagði eru greindir glæpamenn eru þeir hættulegustu (ef greind má kalla). Ef þeir finna þennan gamla pyntingarmeistara, þá bíður hans lítið annað en áframhaldandi bið eftir dauðanum og sjálfsagt má segja að það sé nokkuð seint í rassinn gripið að klófesta kauða rétt fyrir 100 ára afmælið hans. En sekur maður er sekur hvað sem öðru líður.

[Gunnar Helgi Eysteinsson, 9.7.2008 kl. 13:52]

Ég man þegar ég las um þennan mann í fyrsta skiptið og það var verri en versta hryllingssaga.

[Jórunn Sigurbergsdóttir , 9.7.2008 kl. 17:57]

Já þetta er allveg hryllingur. En hvað á að gera við svona gamlan mann? Ég veit hann sýndi enga miskunn.

[Solla Guðjóns, 10.7.2008 kl. 22:35]

Doktor Dauði hefur verið alvarlega vitskertur andskoti.....mér er óskiljanlegt að einhver fái sig til að gera sonalagað.En það mun víst hafa verið mikið um svona viðbjóð á þessum árum.Mér er hreinlega flökurt

Jórunn spyf hvað á að gera við svona gamlan mann.....Það á að láta hann standa bundinn við...ö.. eitthvað..og mæta skapara sínum.

[Ásthildur Cesil Þórðardóttir, 11.7.2008 kl. 21:09]

Vonandi finna þeir hann ef hann er enn á lífi og láta hann fá það sem hann á skilið.

[Heiða Þórðar, 15.7.2008 kl. 02:59]

Ester, elsku Ester; google-aðu eitthvað annað en þennan vibba....

Tildæmis;  ást, kærleikur og/eða fegurð/friður.....kannski Heiða....

Yndislega geitinn mín

[Ester Júlía, 15.7.2008 kl. 09:10]

Já Heiða kiðlingurinn minn dásamlegi ..þetta er ljótt blogg um rosalega vondan mann, það er rétt. Forvitnin drap köttinn það er líka rétt. Ætla aldrei að blogga svona ljótt aftur..=o) Knús!!!