Líkamsrækt minnkar líkamsfitu..já og ?

ER ekki hægt að hafa þetta skýrara svo maður þurfi ekki að rýna í orðin og lesa þetta margoft yfir??

"Þeir sem vilja grennast ættu að gleypa nokkrar lýsisperlur eftir að þeir eru búnir í líkamsræktinni, ef marka má frumniðurstöður ástralskra vísindamanna sem komust að því að sambland af líkamsrækt og lýsi minnkaði líkamsfitu, og hafði jákvæð áhrif á kólesterólmagn og æðastarfsemina."  Það er löngu vitað að líkamsrækt minnkar líkamsfitu - ekki satt?  Kemur ekki á óvart..Lýsi eða ekki lýsi.   Svo kemur: 

 "Magn af góðu kólesteróli (HDL) jókst hjá þeim þátttakendum í rannsókninni er tóku einungis lýsi eða stunduðu líkamsrækt og tóku einnig lýsi, og svonefnd þríglyseríð (óheilsusamleg blóðfita) minnkuðu einnig. Um leið minnkaði líkamsfita þessara þátttakenda."  (vó er hægt að hafa þetta flóknara eða er ég aðframkomin af svefnleysi ? )

Hvað er verið að tala um?  Fólk sem stundar líkamsrækt og tekur lýsi OG fólk sem tekur lýsi og stundar EKKI líkamsrækt?  Getur maður orðið mjór á því að taka lýsi án þess að stunda líkamsrækt?  Þá er bara að taka lýsi og spara bæði tíma og aur með því að hætta að strögglast í ræktinni.  ( Reyndar er mjög margt annað jákvætt en fitutap sem viðkemur því að hreyfa sig - veit ég vel - Styrkir bein, andlega heilsu, æðakerfið osfr) 

Sorrý varð bara að leggja orð í belg varðandi þessa frétt

Líkamsrækt og lýsi öflug vopn gegn aukakílóum

Athugasemdir

[Jenný Anna Baldursdóttir, 23.5.2007 kl. 21:47]

Tek aldrei lýsi (oj) og fer ekki í líkamsrækt, geng mína göngutúra.  Takk samt fyrir fróðleikinn.  Gott að þú ert á lífi mér var hætt að standa á sama.

[Ester Júlía, 24.5.2007 kl. 10:47]

Já maður er á lífi en það er einhver niðurtúr í gangi eftir prófin .. maður nennir engu, bara þessari daglegu rútínu ( og Lúkas) .   Þú ert hraust sem fíll er það ekki Jenný, þrátt fyrir lýsisleysið? 

[Tryggvienator, 24.5.2007 kl. 14:13]

 "Magn af góðu kólesteróli ...... Um leið minnkaði líkamsfita þessara þátttakenda."

Held að það sé verið að meina að kólesteról magn minnkar við töku á lýsi. Ekkert minnst á að verða mjór sko nema þú stundar líka líkamsrækt.
"...ástralskra vísindamanna sem komust að því að sambland af líkamsrækt og lýsi minnkaði líkamsfitu, og hafði jákvæð áhrif á kólesterólmagn og æðastarfsemi."

... En já þetta er nú illa orðað...

[Solla Guðjóns, 25.5.2007 kl. 22:22]

Það er ekki lýsið sem unnið er úr lifur fiska sem er kólesteróllækkandi.Heldur Ómega 3 sem unnin er úr beinum fiska ef ég man rétt og Ómega 6 og 9 sem eru unnar úr minnir mig ólífum og hnetum.