Ég tek ofan fyrir þessari konu!

Gengið var um 600 km yfir grænlandsjökul. Þvílíkt afrek!   Marta er einstæð móðir sem greindist með illkynja brjóstakrabbamein en eftir að hafa lokið erfiðri meðferð þá ákvað hún að ganga til styrktar krabbameinsfélags Íslands.   Markmið ferðarinnar var  að safna fé til rannsókna á brjóstakrabbameini og vekja konur til umhusunar um mikilvægi þess að fara reglulega í skoðun.

Þetta vekur mig alla vega til umhugsunar..og ætla ég nú að panta mér tíma í skoðun og hvet ég aðrar konur sem hafa látið það dragast að fara í skoðun að gera það líka.

Marta Guðmundsdóttir kemur til Reykjavíkur í dag

Athugasemdir

[Kristbjörg Pálsdóttir (IP-tala skráð) 13.6.2007 kl. 12:24]

Ég tek ofan fyrir henni líka - hörku kona sem má alveg taka sér til fyrirmyndar. Það vill þó þannig til að ég þekki nokkrar konur sem greinst hafa með brjóstakrabbamein, sem og aðrar tegundir þessa meins og finnst mér þær allar frábærar í því hvernig þær hafa tekist á við þennan vágest sem krabbameinið er. Ég hef lært mikið af þeim og tek þær mér til fyrirmyndar. Að fara í krabbameinsskoðun er eitthvað sem mér finnst að maður megi ekki láta eftir sér að hundsa. Ég vona að allar konur sinni þessu vel og reglulega og séu meðvitaðar um eigin brjóstaskoðun og bara meðvitaðar um sína heilsu. Það er enginn sem gerir þetta fyrir okkur og við eigum bara að fara í skoðun - ekki spurning.

Bestu kveðjur - Kristbjörg P.

[Solla Guðjóns, 13.6.2007 kl. 12:40]

Já hún er aðdáunarverð þessi kona.

Tek undir það að fara reglulega í skoðun og stunda sjálskoðun líka.

[Ásthildur Cesil Þórðardóttir, 13.6.2007 kl. 13:42]

Algjörlega frábært að heyra um þetta.  Þær leynast víða hversdagshetjurnar. 

[Svandís Rós, 13.6.2007 kl. 22:20]

Já, ég dáist að henni... og mér finnst sko að hún megi vera MIKIÐ stolt af sjálfri sér! Þetta er hörð ganga sem hún gekk og líka þrautargangan að greinast með krabbamein!