Já það var sko gaman..

Ótrúlega sterkir tónleikar. Ég hef sjaldan skemmt mér svona vel á tónleikum.Líkja má stemningunni við gott kvöld á þjóðhátíð í Eyjum. Allir sungu með, allir glaðir og hamingjusamir.

Fólk var svolítið að fá sér í tánna en það var bara allt í lagi, allt fór friðsamlega fram enda allir vinir þetta kvöld.Ókunnugir föðmuðust og hylltu Sálina sem var ótrúlega sterk.

Ætli meðalaldurinn hafi ekki verið um 40 -  45..ótrúlega gaman að sjá hvað mikill meirihluti var  í "eldri" kantinum, þó slæddust inn á milli yngri andlit enda eru aðdáendur Sálarinnar breiður aldurshópur.

Ekkert hlé var á tónleikunum en engin þreytumerki voru að sjá á Sálarmönnum. Svitinn lak í stríðum straumum niður andlit Stebba og Gumma gítarleikara enda hömuðust þeir á sviðinu allan tímann.

Gospelkór Reykjavíkur söng með þeim í nokkrum lögum og var það frábært.Einnig komu nokkrir meðlimir sinfóníuhljómsveitarinnar og spiluðu með í eitthverjum lögum - snilld. (Stebbi sagði að þeir hefðu ekki haft efni á allri hljómsveitinni) Æðislegir tónleikar, rífandi stemning - Sálin er draumurinn!!

 

Mikil stemmning á afmælistónleikum Sálarinnar

Athugasemdir

[Ásthildur Cesil Þórðardóttir, 15.3.2008 kl. 11:39]

Gaman að því Ester mín.  Góða helgi.

[Ellen Jóns (IP-tala skráð) 15.3.2008 kl. 11:43]

ohhh mig langaði svooo rosalega mikið:) sálin er auðvitað ALLTAF góð

Knús

[Pétur Kristinsson, 15.3.2008 kl. 12:59]

Já, það er sko óhætt að segja að þeir hafi engu gleymt. Það er vonandi að þeir verði duglegir að spila fyrir landsmenn í nánustu framtíð. Gaman að sjá allan þennan fjölda saman kominn í gær.

[Gunnar Helgi Eysteinsson, 15.3.2008 kl. 18:13]

Sálin er hluti af æsku minningu minni....

[Einar Bragi Bragason., 16.3.2008 kl. 00:58]

þeir eru ágætir he he bara grín,,,,,flottir