Garðslanga á Miklubraut

Mér tókst að komast stórslysalaust í vinnuna.  Stóð samt ekki á sama á Reykjanesbrautinni um tíma þegar að vindhviðurnar voru þvílíkar að það var eins og bíllinn ætlaði að takast á loft! 

Tókst líka að koma litla stráknum heilu og höldnu í leikskólann, hlupum úr bílnum og þessa stuttu leið inn í leikskólann, ég ríghélt í barnið og hann í mig.

Tók eftir því á leiðinni í vinnuna að það liggja hlutir á víðavangi hér og þar. Sá garðslöngu á Miklubrautinni, hvítan pappa á víð og dreif fyrir utan Hagkaup í Spönginni, stóra bleika (fitball) bolta við Strandveginn í Grafarvogi, brot úr eitthverju sem líktist þakplötu á Reykjanesbraut og fl. 

Sagt er að við mannfólkið höfum lítið sem ekkert veðurminni og það á alla vega við um mig, man ekki eftir slíku fárviðri síðan '84

Áfram annríki vegna veðurs

Athugasemdir

[Heiða Þórðar, 14.12.2007 kl. 23:22]

Innllitskvittun og ein spurning? hvað varstu að gera á Reykjanesbrautinni darling?

[Jórunn Sigurbergsdóttir , 15.12.2007 kl. 16:35]

Það er langt síðan svona veður hefur komið. Gott að þú komst heil að höldnu.

[Ester Júlía, 17.12.2007 kl. 15:38]

Heiða og Guðjón....ég er að vinna í nýju World Class stöðinni  Hafnarfirði  hálfa þessa viku og alla þá síðustu ... , takk fyrir kvittin vinir mínir ..

[Ásthildur Cesil Þórðardóttir, 17.12.2007 kl. 19:50]

Já þetta rok er ekki skemmtilegasta fyrirbæri í heiminum