Kvöldverður fyrir þrjá á 925.-kr. samtals, er vel sloppið.

Matvörur hafa ekki bara hækkað á Íslandi heldur líka hér í Svíþjóð. 
Las um daginn að matarkarfan hefði hækkað um 20% á einu ári og það er ekki lítið. 

Verslanir hér eru þó með miklu fleiri tilboð en verslanir heima,auk þess sem hægt er að vera "meðlimur" og fá "meðlimaverð" á ýmsum vörum. 1D240DAB-111F-4989-9680-844747F7DAA5
Ég tek mér alltaf góðan tíma í búðinni og skoða það sem er á tilboði ef ég er ekki búin að lesa tilboðs bæklingana sem margar verslanir senda heim svo maður geti undirbúið sig. Það margborgar sig að elta tilboðin þá kostar búðarferðin ekki svo mikið. 

Verð að segja að mér finnst þetta frábær þjónusta við neytendur. 
Hér er mynd af kvöldverðinum hjá okkur skötuhjúum, (kærastinn eldaði) sem kostaði um 925.- kr ísl. fyrir þrjá, hráefni keypt í Ica. 


Þá reið maður berbakt og hjálmlaus og allir vegir voru manni færir.

Sleipnir var áttfættur hestur Óðins í goðafræðinni. Sá fór um á skeiði. En ég þekkti annan Sleipni sem fór bara um á brokki..alveg þar til hann varð 10 vetra. 

 
Það vakti athygli mína frétt sem mbl.is birti um daginn af háöldruðum íslenskum hesti í Þýskalandi. Og ég minntist þá vinar míns hans Sleipnis sem einnig varð vel aldraður.
Já einu sinni átti ég hest sem var ljúflingur og mikið gæðablóð. Hann vakti töluverða athygli þar sem hann bar höfuðið hátt í reið og var vel hágengur á töltinu enda var það svo að hann fór um á brokki alveg þar til hann var orðinn fullorðinn 10 vetra gamall. Og það var óharðnaður unglingurinn ég sem náði þá að kreista töltið fram í honum og var einstaklega stolt af því, sérlega vegna þess að tamningarmaðurinn hafði víst sagt að þessi hestur myndi aldrei tölta.IMG_6875


Svo eignaðist ég mann og börn og buru og en við barnsfaðir minn  skildum og urðum að selja hesthús og hesta og minn gamli vinur Sleipnir sem þá var 18 vetra fékk að fara aftur heim í gömlu sveitina sína en á annan bæ þó. Þar varð þessi öðlingur allra hugljúfi. 

Ég gerði mér ferð í Borgarfjörðinn mörgum árum seinna til að sjá hann og fann hann úti á túni í góðu yfirlæti með öðrum hrossum, farinn að þynnast á honum þykki makkinn hans og gránað hafði hann í framan. Þarna var hann líklega um 28 vetra.
Hann var víst bara notaður til að teyma undir krökkum síðustu árin.IMG_6874


Ég fékk svo að frétta af því þegar hann var felldur, 32 vetra aldraður vinur minn, sannarlega búinn að sinna sínu.  

Skemmtileg tilviljun að Sleipnir frá Kronleiten og Sleipnir frá Melum hafi báðir náð háum aldri. Annar reyndar enn á lífi háaldraður. Og báðir skjóttir. 


Á myndunum er ég líklega 16 ára gömul á honum Sleipni minum.
Við Elliðavatn. 


mbl.is 42 vetra hestur við góða heilsu
Tilkynna um óviðeigandi tengingu við frétt

"Oj þetta er ógeðslegt" Íslendingar eru allstaðar, pass på!

 Við selIMG_1902dum, gáfum eða hentum öllu okkar hafurtaski áður en við flúðum Ísland í júni á síðasta ári. Flótti eður ei ,liklega var það beggja blands,ævintýramennska og gífurleg þreyta á öllu baslinu. Fjölskyldan er sú sem ég sakna mest, það er aldrei auðvelt að skilja við fólkið sitt.  
Ég elska landið mitt Ísland, fegurðina og allt sem landið gefur en það verður að segjast eins og er að það er ekkert sérlega auðvelt að lifa á Íslandi. Og fólki er ekki gert neitt sérlega auðvelt að lifa. Ég og minn maður höfðum talað um það að flytja erlendis í þó nokkurn tíma en ákvörðunin um að flytja var samt ekki tekin fyrr en rétt hálfu ári áður en við sigldum frá eyjunni fögru með Norrænu. Með bíl, kerru og hundinn okkar. 

Svíþjóð varð fyrir valinu vegna þess að ég ólst upp í Svíþjóð og hef verið með annan fótin viðloðandi landið þar sem foreldrar mínir áttu íbúð í mörg ár í Svíþjóð sem þau notuðu mest á  sumrin. Heimsóknirnar voru margar. Minn maður bjó einnig í Svíþjóð þegar hann var barn og tenging hans er mikil við landið því móðir hans býr þar en þó ekki á sama landssvæði og við fluttum til. 

IMG_6929Það er vinna að flytja erlendis, tekur óratíma að komast inn í kerfið og mikil skriffinska. Nú rúmum sjö mánuðum síðar erum við komin inn í það mesta en þó ekki alveg allt. Þetta verður auðveldara með tímanum og ég finn að búferlaflutningar eru mjög þroskandi. Þetta er jú meira en að segja það. Sérlega þegar maður er kominn yfir fimmtugt. 

IMG_6789Það er urmull af íslendingum í Svíþjóð. Höfum samt ekki rekist á nema nokkra. 

Nærtækasta dæmið er síðan í dag þegar minn maður var að ganga út úr verslun og heyrði þá á tal ungs pars á íslensku. 
Ungi maðurinn:" Á ég að safna svona skeggi eins og maðurinn í köflóttu skyrtunni? 
Unga konan :  " Oj nei þetta er ógeðslegt"!!   wink


Þvílíkt ves að komast að í sænska heilbrigðiskerfinu.

það er þrautin þyngri að komast að hjá lækni hér í svíalandi. Kerfið er þungt og hér er allt rafrænt og tekur óratíma að komast í gegnum allt ferlið.Túlípanar

Svo endar maður á núllpunkti-”verður haft samband við þig”. 

Síðan hringir einhver hjúkka og ég útskýri mál mitt og hún segist athuga málið og hringja eftir tvo daga.
Eftir tvo daga fæ ég rafræn skilaboð frá henni.
Aftur byrjunarreitur. Eða þ.s ekkert sem ég vissi nú þegar. En enginn læknistími.

Ég er fílhraust en þarf að fá endurnýjun á lyfseðlum v/ hormóna. Er á þeim aldri að ég yrði snarvitlaus í skapinu auk þess að lífsgæðin minnka verulega ef ég fæ ekki mína hormóna. Og þarf lika að bæta við mig hormón og þess vegna vildi ég fá læknistíma.

Og þau vilja fá læknissögu mína (journal) á prentuðu formi frá lækninum heima og lyfjasögu mína einnig á prentuðu formi. Ég reyni auðvitað að útvega það en þau verða þá annað hvort að kunna íslensku eða fá sér túlk. Svo er auðvitað Google translate, verst hvað hann er óábyggilegur.


það sagði mér íslenskur læknir sem býr og starfar í Svíþjóð að sænska heilbrigðiskerfið sé sprungið og síst betra en á Íslandi.

Elska samt að búa í Svíþjóð. 
Keypti þessa túlípana á litlar 529.- kr ísl í gær. 


Ísland - Svíþjóð og verð í matvörubúðum.

  Nú eru nærri sjö mánuðir síðan við fluttum til Svíþjóðar. Og ég er alltaf að fá betri mynd af verðlaginu hér. Hér er ódýrara að lifa en munurinn er ekki er nærri jafn mikill og hann var fyrIMG_6600ir nokkrum árum. Því það hefur allt hækkað mikið í Svíþjóð. En það sem lækkar innkaupakerruna eru öll tilboðin í verslununum og það margborgar sig að vera meðlimur því þá fær maður afslátt á færibandi. Ég fékk tildæmis 25 króna afslátt í ICA í verslunarferðinni í dag. Það eru heilar 325.- kr íslenskar, munar um það. 

Og það er hægt að safna allskonar stigum og punktum og ég veit ekki hvað inn á meðlimakortið sitt, þetta er mjög sniðugt bæði fyrir kúnnan og verslunina sem heldur þá viðskiptavinum sínum ánægðum. Eins er fjöldinn allur af tilboðum í búðunum. Bæði almenn tilboð og eins sértilboð fyrir meðlimi. Ef maður er duglegur að nýta sér tilboðin lækkar verðið svo um munar.  

Íslenskar matvörubúðir ættu að gera þetta sama því það myndi væntanlega margborga sig IMG_6587fyrir alla.    

Okkur líður ótrúlega vel hér í Svíþjóð. Svíar hafa virkilega tekið vel á móti okkur og eru ljúfir og kurteisir.  Elska fallegu húsin með tígulsteinsþökunum, hús byggð úr múrsteini eða timbri. Það er líka svo ofurauðvelt að skokka hér og hjóla, engar brekkur að þvælast fyrir manni. Og hér er milt veðurfar. Enn sem komið er höfum við verið gífurlega heppin með veðrið, komum hingað í hitabylgju í sumar og veturinn hefur verið mildur. Hér er sumarið fram í október og byrjar að vora í mars og ég get ekki beðið. 
Áfram uh.. Ísland!

IMG_6591

IMG_6594


Bless Ísland - nýtt land og nýtt blogg!

Hvernig á að byrja blogg eftir 7 og 1/2 árs hlé? 

Þegar síðasta færslan var skrifuð 21 október 2014, þá var ég búin að vera virkur ( ekki virtur) bloggari í 8 ár samfleytt. Ég var afskaplega duglegur bloggari enda hafði ég gaman af að skrifa og eignaðist t.a m. mikið af netvinum en líklegt og alls ekki óeðlilegt að allir séu búnir að gleyma mér núna. Ég veit líka að sumir bloggvina minna eru fallnir frá.

Ég er bloggari sem skrifa um allt og ekkert. Bara það sem mér liggur á hjarta hverju sinni í hálfgerðu dagbókarformi.  Stundum verulega ómerkilegt og stundum meira krassandi.

Það væri gaman ef einhver nennir að fylgjast með mér og nýja lífinu í Svíþjóð, það er örlítið skemmtilegra fyrir egóið.  laughing

 19601233_10212215848484808_5582620908311202693_n


Frábært og löngu tímabært!

Þunna kaffisullið sem ég var að drekka varð allt í einu stórgott og mér hlýnaði allri að innan við lesturinn þannig að húskuldinn bítur ekki á mig lengur.  Frábærar fréttir! 
mbl.is Bannað að beita hross harðýgi
Tilkynna um óviðeigandi tengingu við frétt

Eitt vandræðalegasta "sturtu"móment mitt í Laugum!

Tilbúin Ég held að þetta sé vandræðalegasta móment sem ég hef lent í sem starfsmaður World Class.  Það gerðist reyndar utan vinnutíma sem var kannski eins gott. Svalur

Ég var að koma úr baðstofunni eftir að hafa slakað á í góðan tíma í gufunum og heita pottinum. Var  því mjög afslöppuð og varla í þessum heimi.  Ég rölti inn í sturtuklefann baðstofumeginn og horfi þar á allsberan karlmann sem er að þvo sér um hárið. Ég gekk áfram nokkur skref til viðbótar án þess að átta mig ..þó fannst mér eins og eitthvað væri ekki eins og það ætti að vera.  Ég get varla lýst þessari stund öðruvísi en þetta var eins og sett væri á pásu í miðri mynd því allt í einu fraus ég  og maðurinn líka - með hendurnar í hárinu. 

Það var eins og ég gæti mig hvergi hreyft, stóð kyrr og horfði bara á manninn..og maðurinnn horfði á mig.  Þarna stóð hann grafkyrr í sturtunni - allsnakinn karlmaður í allri sinni dýrð með hendurnar í sápuðu hárinu og þarna stóð ég á móts við manninn í baðstofusloppnum - og starði  eins og hann væri geimvera frá öðrum hnetti. 

Svo ALLT Í EINU áttaði ég mig......OMG..ég eldroðnaði og (þennan hluta á ég erfitt með að muna) rak upp hljóð (hlátur eða grátur..man ekki) og á leiðinni úr sturtuklefanum fæ ég óstöðvandi hláturskast. Bak við mig heyrði ég ekki betur en að maðurinn fengi eitthvað í hálsinn ..ja nema hann hafi sprungið......úr hlátri! Ég hallast frekar að því. 

Í hláturskasti mínu kem ég inn í sturtuklefa KVENNA baðstofumeginn og ég lýg því ekki að ég varð að taka mér góðan tíma í að jafna mig áður en ég hætti mér í sturtuna því annars hefði ég upplifað annað vandræðalegt móment  ( runnið, dottið, rekið mig í, stórslasast , slasað einhvern...)

Eftir á að hyggja var þetta grátbroslegt og það fyndnasta við þetta er að ég get engan veginn munað hvernig þessi maður leit út þó að ég hafi starað á hann mínútunum saman (í minningunni) .
Í langan tíma á eftir grunaði ég hvern karlmann sem ég sá í æfingarsalnum um græsku, þeir virtust allir horfa á mig ...glottandi! Saklaus
 
Ester - virðulegur þjálfari í sal

Minning um fallega góða vinkonu sem lést 25.ágúst '09.

Soffía Margrét Jónsdóttir.

Fallega rósÞegar ég gekk með mitt fyrsta barn, fyrir 22. árum, þá var ég lögð inn á meðgöngudeild Landspítalans sökum þess hvað meðgangan gekk illa.  Mér hundleiddist þetta tvítugri stelpunni en í rúmi við hliðina á mínu var stelpa þremur árum yngri en ég og eftir nokkrar augngotur okkar á milli þá fórum við að tala saman. Það er ekki orðum aukið en þessi stelpa bjargaði sálarheill minni á meðan ég lá á  spítalanum. Hún var svo hlý og skemmtileg með smitandi hlátur og ótrúlega þroskuð miða við aldur. Við fífluðumst og stálumst fram á gangana og alla leið i sjoppuna sem var í öðru húsi. Báðar rétt með klósettleyfi!  Hlógum mikið og höfðum gaman. Úr varð hinn skemmtilegasti tími á spítala sem hefði af öðrum kosti átt að vera hundleiðinlegur.

Við héldum sambandi eftir að við útskrifumst og svo eignuðumst við börnin okkar með 11 daga millibili (hún á undan), hún stelpu og ég strák.   Það var gaman að eiga vinkonu sem átti barn á sama aldri og mitt barn og við héldum miklu sambandi eftir að við eignuðumst börnin.

Eitthverra hluta vegna flosnaði svo upp úr sambandi okkar þegar börnin okkar voru um það bil 3. ára.  En lífið hélt áfram en alltaf öðru hvoru hugsaði ég til þessarar vinkonu minnar.  Lífið er óútskýranlegt og  15 árum seinna var ég mætt í mæðraskoðun á Heilsuverndarstöðina , þá gekk ég með mitt þriðja barn.  Ég sat í biðstofunni og beið eftir að kæmi að mér þegar ég allt í einu rek augun í þessa gömlu vinkonu mína þar sem hún sat rétt hjá mér -  kasólétt eins og ég! 

Það urðu miklir fagnaðarfundir og við hlógum mikið af þessari furðulegu tilviljun.   Ck. þrjár vikur eru á milli drengjanna okkar og nú var það ég sem varð á undan.  Við tókum upp þráðinn þar sem frá var horfið og kíktum á hvor aðra í kaffi, fórum í göngutúra saman með börnin og héldum símasambandi fyrstu mánuðina. En því miður skildu leiðir okkar aftur , það var eins og örlögin ætlaði okkur bara þennan tíma saman.

Síðan við hittumst á meðgöngudeildinni eru liðin sjö ár og ég hitti Soffíu þegar ég heimsótti hana á Líknardeild Lanspítalans fyrir tveimur vikum síðan þar sem hún barðist við illkynja krabbamein.  Það var yndislegt að hitta hana og við áttum stutta en góða stund saman. Spjölluðum um börnin okkar og fleira. Yndi að hlusta hana tala um börnin sín. Hún var svo stolt af þeim.  Þetta var í síðasta sinn sem ég hitti Soffíu.  Kynntumst á spítala og kvöddumst á spítala. 

Ég bið góðan guð um að styrkja og blessa börnin hennar Soffíu og alla hennar ástvini á þessum erfiðu tímum.   

 

 


Lúkas minn er í áttunda sæti á listanum.

Þetta eru tíu greindustu hundarnir samkvæmt rannsókninni :

Ten most intelligent breeds Lúkas

Border Collie

Poodle

German Shepherd

Golden Retriever

Doberman Pinscher

Shetland Sheepdog

Labrador Retriever                                                  

Papillon     ( - Lúkas )                                                                 

Rottweiler

Australian Cattle Dog

Og þetta er listinn yfir 10. "minnst" gáfuðustu hundarnir :

Least intelligent breeds

Afghan Hound

Basenji

Bulldog

Chow Chow

Borzoi

Bloodhound

Pekinese

Beagle

Mastiff

Basset Hound


mbl.is Jafn greindir og 2 ára börn
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband